کراچی(گلف آن لائن)یوکے ٹائمز نے عالمی یونیورسٹی رینکنگ کا اعلان کر دیا جب کہ پہلی بار پاکستان کی 36 یونیورسٹیوں کو امپیکٹ رینکنگ میں شامل کیا گیاہے۔پاکستان کی 3یونیورسٹیاں دنیا کی 800بہترین جامعات میں شامل ہیں، یوکے ٹائمز کی جانب سے دنیا کی 16سو یونیورسٹیوں کی عالمی رینکنگ جاری کی گئی ہے، اس فہرست میں پاکستان کی اکیس یونیورسٹیاں شامل ہیں جبکہ پاکستان کی چھتیس یونیورسٹیوں کو امپیکٹ رینکنگ میں شامل کیا گیا ہے، پاکستان کی ٹاپ قائد اعظم یونیورسٹی دنیا کی چھ سو بہترین یونیورسٹیوں میں شامل ہے جبکہ پاکستان کی تین یونیورسٹیوں دنیا کی آٹھ سو بہترین جامعات میں شامل ہیں۔
یونیورسٹی آف ایگریکلچر فیصل آباد ماحولیاتی کام کے حوالے سے عالمی سطح پر چوبیسیویں نمبر پر آگئی اسی طرح کلین انرجی تحقیق میں نسٹ دنیا بھر میں 67 ویں نمبر پر ہے، تحقیقی حوالہ جات ، بین الاقوامی آٹ لک اور انڈسٹری لنکیجز میٹرکس کی بہتری میں پاکستان ٹاپ فائیو ممالک میں ہے۔رپورٹ میں پاکستان کی موجودہ حکومت اور ایچ ای سی انتظامیہ کی اعلی تعلیم کی بہتری کے لئے اقدامات کو سراہا گیا۔
