دورہ بنگلہ دیش، ثقلین کے عبوری ہیڈ کوچ رہنے کا امکان

لاہور (گلف آن لائن)قومی کرکٹ ٹیم کے دورہ بنگلہ دیش کیلئے سابق اسپنر ثقلین مشتاق کے ہی عبوری ہیڈ کوچ رہنے کا امکان ہے۔ذرائع کے مطابق وقت کی کمی کے باعث ثقلین مشتاق ہی ذمے داریاں نبھائیں گے، کنسلٹنٹس کی مزید تعیناتی کا ابھی فیصلہ نہیں ہوا ہے۔نیشنل ہائی پرفارمنس سینٹر سے بھی کوچز کو سپورٹ اسٹاف میں شامل کیا جاسکتا ہے۔ذرائع نے بتایا کہ ویسٹ انڈیز کے خلاف ہوم سیریز کے بعد مستقل کوچز کی تقرری کا بھی امکان ہے۔