برطانیہ میں کورونا کے آغاز سے ایک روز میں مثبت کیسز کا نیا ریکارڈ

لندن(گلف آن لائن)عالمی وبا کے آغاز سے اب تک برطانیہ میں ایک دن میں کورونا کیسز کا ریکارڈ ٹوٹ گیا۔غیر ملکی خبر رساں ادارے کے مطابق 24 گھنٹوں میں کورونا کے 78 ہزار 610 نئیکیسز رپورٹ ہوئے اور مزید 165 افراد ہلاک ہوگئے۔ برطانوی وزیر صحت ساجد جاوید کا کہنا تھا کہ لندن میں رپورٹ مجموعی کورونا کیسز میں سے 60 فیصد اومی کرون ویرینٹ کے ہیں۔دوسری جانب کورونا کے بڑھتے کیسز کو دیکھتے ہوئے وزیراعظم بورس جانسن نے شہریوں پر بوسٹر ویکسین لگوانے پر زور دیا ۔