کراچی(گلف آن لائن) وفاقی وزراء نے سندھ بلدیاتی بل کو کالا قانون قرار دے دیا۔وفاقی وزیر وصدر پی ٹی آئی سندھ علی حیدرزیدی سے وفاقی وزراء میاں محمد سومرو اورسید امین الحق نے ملاقات کی۔
وزراء نے سندھ بلدیاتی ترمیمی بل پر سخت تحفظات کا اظہار کیا۔علی زیدی نے کہا کہ سندھ بلدیاتی بل کے ذریعے پیپلز پارٹی اداروں پر قابض ہونا چاہتی ہے، پیپلز پارٹی نے بلدیاتی نہیں بلکہ بد دیانتی کا بل پیش کیا، پیپلز پارٹی کے کالے قانون کے خلاف سب کو مل کر جدوجہد کرنی ہوگی،
انہوں نے کہاکہ پیپلز پارٹی عوام کے مسائل حل کرنے کے بجائے ان کے وسائل پر قابض ہونا چاہتی ہے، پیپلز پارٹی کو ٹف ٹائم دینے کے لیے تحریک انصاف اتحادیوں کے ساتھ میدان میں ہے، صوبے کی اینٹ سے اینٹ بجانے والوں کا کڑا احتساب ہوگا۔
