اسلام آباد (گلف آن لائن)ایشز سیریز میں جیت کے جشن کی وائرل ویڈیو پر آسٹریلوی کرکٹر عثمان خواجہ نے کہا ہے کہ ویڈیو بتاتی ہے کہ پوری ٹیم میرا کتنا ساتھ دیتی ہے۔ اپنے بیان میں عثمان خواجہ نے اس وائرل ویڈیو کو شیئر کرتے ہوئے لکھا کہ یہ ویڈیو بتاتی ہے کہ پوری ٹیم میرا کتنا ساتھ دیتی ہے۔
انہوں نے لکھا کہ لڑکوں نے اپنی عام شیمپین کی تقریبات روک دیں تاکہ میں دوبارہ شامل ہو سکوں۔عثمان خواجہ نے لکھا کہ کھیل میں شمولیت اور بطور کھیل ہماری اقدار بہت اہم ہیں،مجھے لگتا ہے کہ ہم صحیح سمت میں چل رہے ہیں۔
