ممبئی (گلف آن لائن) بالی ووڈ کے مسٹر پرفیکشنسٹ عامر خان کی اپنی سابقہ اہلیہ کرن را ئو گلے لگاکر الوداع کہنے کی ویڈیو وائرل ہوگئی۔بھارتی میڈیا رپورٹس کے مطابق حال ہی میں عامر خان اور ان کی سابق اہلیہ کرن را کو ایک ساتھ ممبئی میں دیکھا گیا، سابق جوڑے نے ایک ورک میٹنگ میں شرکت کی اور بعد میں پاپارازی کے لیے پوز دیتے ہوئے دیکھا گیا جبکہ ان کے ساتھ ان کی ٹیم کے ارکان بھی تھے۔ عامر خان اور کرن رائو کی کئی ویڈیوز اور تصاویر سوشل میڈیا پر وائرل ہوئیں اور ایک ویڈیو میں وہ ایک دوسرے کو گلے لگاتے نظر آ رہے ہیں۔
ویڈیو میں دیکھا جاسکتا ہے کہ عامر خان اور کرن را اپنی گاڑیوں کا انتظار کر رہے تھے، وہ کچھ بات چیت کرتے نظر آئے اور اسی دوران عامر خان نے سابق اہلیہ کو الوداع کہتے ہوئے انہیں گلے سے لگایا۔سوشل میڈیا پر وائرل ہونے کے بعد اداکار کے مداحوں کی جانب سے تبصروں کا سلسلہ شروع ہوگیا ہے۔
