کامران اکمل

کامران اکمل نے نئی حکومت سے ڈپارٹمنٹل کرکٹ کو بحال کرنے کی درخواست کردی

لاور(گلف آن لائن)پاکستان کے ٹیسٹ کرکٹرکامران اکمل نے نئی حکومت سے ڈپارٹمنٹ کرکٹ کو بحال کرنے کی درخواست کردی۔کامران اکمل نے اپنے ایک بیان میں کہا کہ ڈیپارٹمنٹل کرکٹ کی بندش کی وجہ سے متعدد کرکٹرز بے روزگار ہوئے ہیں ، میری نئی حکومت سے درخواست ہے کہ وہ ڈپارٹمنٹ کرکٹ کو بحال کرائے۔انہوںنے کہاکہ رمیز راجہ اگر اچھا کام کررہے ہیں تو انہیں عہدے پر جاری رہنا چاہیے۔واضح رہے کہ اس سے قبل سابق ٹیسٹ کپتان سلمان بٹ نے چیئر مین پی سی بی رمیز راجہ پر تنقید کرتے ہوئے کہا تھا کہ نئی حکومت کے آنے کے بعد استعفیٰ دینے کے حوالے سے اب کس بات کا انتظار ہے۔

سلمان بٹ نے کہا تھا کہ دورہ بنگلا دیش کے دوران چیئرمین پی سی بی نے کپتان بابراعظم کو ویڈیو کال کی اور کہا کہ مجھے پچ دکھاؤ۔سابق ٹیسٹ کرکٹر نے بھی کہا تھا کہ ڈپارٹمنٹ کرکٹ ختم کر کے کھلاڑیوں کو پارٹ ٹائم کرکٹر بنادیا ہے۔ان کا کہنا تھا کہ عمران خان کو ڈپارٹمنٹ کرکٹ کی بحالی کے حوالے سے میں نے آرٹیکل بھی لکھ کر بھیجے ، انہوں نے ضرور پڑھے ہوں گے لیکن وہ سمجھتے ہیں کہ مجھ سے زیادہ کسی کو معلوم نہیں۔

اپنا تبصرہ بھیجیں