کراچی(گلف آن لائن)سابق گورنر سندھ عمران اسماعیل نے کہاہے کہ پیٹرول کی قیمت سے عوام کی ٹوٹی کمر پر اب بجلی بم گرادیا گیا ہے،عمران خان کے دور میں تنقید کے نشتر چلانے والے آج فوائد بتارہے ہیں ۔
سماجی رابطے کی ویب سائٹ ٹوئٹر پر اپنے پیغام میں عمران اسماعیل نے کہا کہ امپورٹڈ حکومت کی جانب سے بجلی مہنگی کرنے کا فیصلہ مسترد کرتے ہیں۔انہوں نے کہاکہ پیٹرول کی قیمت سے عوام کی ٹوٹی کمر پر اب بجلی بم گرادیا گیا ہے، ظالمانہ فیصلہ عوام سے اربوں روپے بٹورنے کا پلان ہے۔
