اقوام متحدہ (نمائندہ خصوصی) اقوام متحدہ کی اقتصادی و سماجی کونسل نے خواتین کی حیثیت سے متعلق اقوام متحدہ کے کمیشن میں ایران کی رکنیت منسوخ کرنے کی امریکہ کی درخواست پر ووٹ دیا. جمعرات کے روز چینی میڈ یا کے مطا بق اس قرارداد کو 29 ووٹوں کی حمایت اور 8 کی مخالفت کے ساتھ منظور کیا گیا۔ 16 ارکان نے ووٹنگ میں حصہ نہیں لیا۔ چین کے نمائندے نے اس قرارداد کے خلاف ووٹ دیا ، اور قرارداد کو ناپاک مقاصد اور خامیوں سے بھرپور قرار دیا۔
اقوام متحدہ میں چین کے نائب مستقل مندوب گنگ شوانگ نے کہا کہ قرارداد کا مسودہ بنیادی طور پر بے بنیاد ہے اور متعلقہ فریق پر مسلط کیا گیا ہے ، جس سے متعلقہ مسئلے کو حل کرنے میں مدد نہیں ملتی۔
مسودہ پیش کرنے والے ملک نے ایران میں انسانی حقوق کی صورتحال کے بارے میں کافی باتیں کیں، لیکن ایران کے خلاف اپنی اندھا دھند یکطرفہ پابندیوں کی وجہ سے ایرانی خواتین کو ہونے والے بڑے مصائب کا ذکر نہیں کیا، جو سو فیصد منافقت اور دوہرا معیار ہے۔
