کراچی(گلف آن لائن) گلوکار و اداکار گوہر ممتاز کا کہنا ہے کہ ان کے بینڈ کے گانے ‘عادت’ کے بعد ‘کہانی سنو’ 20 سالوں بعد سب سے مشہور گانا ثابت ہوا ہے۔دی جل بینڈ کا مشہورِ زمانہ گانا ‘عادت’ عاطف اسلم نے گایا تھا جبکہ اس گانے کے کمپوزر گوہر ممتاز ہیں یہ وہ گانا تھا جس نے اس بینڈ اور عاطف اسلم کو شہرت کی بلندیوں تک پہنچایا۔عادت 20 برس پہلے ریلیز ہوا تھا تاہم اس کی مقبولیت آج بھی پہلے جتنی ہی ہے اور مداح اسے آج بھی بیحد پسند کرتے ہیں۔تاہم ان دنوں کوک اسٹوڈیو کے گانا کنا یاری سے مشہور لیاری سے تعلق رکھنے والے گلوکار کیفی خلیل کا گانا ‘
کہانی سْنو’ ٹاپ ٹرینڈ بنا ہوا ہے اور اسے خوب پذیرائی مل رہی ہے۔عادت کے کمپوزر اور گلوکار گوہر ممتاز نے بھی کیفی کے گانے کو سراہتے ہوئے اس بات کا اعتراف کیا ہے کہ اگر پچھلے 20 سالوں میں ‘عادت’ کے بعد کوئی گانا بیحد مشہور ہوا ہے تو وہ ‘کہانی سنو’ ہے۔گوہر ممتاز کا کہنا تھا کہ انہیں خود بھی کیفی کا یہ گانا بیحد پسند ہے اور کیفی نے بہترین شاعری اور سْروں کا انتخاب کیا ہے۔کیفی نے کہانی سنو خود لکھا اور گا یا ہے جبکہ اس گانے کو انہو ں صرف 8ماہ قبل اپنے یوٹیوب چینل پر ریلیز کیا تھا جس کو اب تک 80 ملین ویوز حاصل ہو چکے ہیں۔
