دبئی (گلف آن لائن) انٹرنیشنل کرکٹ کونسل (آئی سی سی)نے پلیئرزکی رینکنگ جاری کردی ۔ٹی ٹونٹی بیٹرز کی رینکنگ میں بھارت کے سوریا کمار یادیو بدستور پہلے نمبر پر موجود ہیں جب کہ پاکستان کے محمد رضوان کا دوسرا اور کپتان بابراعظم کا تیسرا نمبر برقرار ہے۔جنوبی افریقہ کے رائیلی روسو پانچویں نمبر پر آگئے اور نیوزی لینڈ کے ڈیون کانوے چھٹے نمبر پر چلے گئے۔
ٹی ٹونٹی بیٹرز کی رینکنگ میں قومی کرکٹر افتخار احمد 10 درجے ترقی کے بعد 44 ویں نمبر پر آگئے۔ٹی ٹونٹی بولرز کی رینکنگ میں افغانستان کے راشد خان کا پہلا نمبر برقرار ہے۔قومی ٹیم کے اسٹار فاسٹ بولر حارث رئوف 5 درجے ترقی کے بعد 11 نمبر پر موجود ہیں۔پاکستان کے شاداب خان رینکنگ میں 13ویں نمبر پر موجود ہیں اور شاہین آفریدی ایک درجے ترقی کے بعد 15 ویں نمبر پر آگئے۔
نیوزی لینڈ کے ایش سودھی پانچ درجے ترقی کے بعد 16ویں نمبر پر آگئے۔ ٹی ٹونٹی آل رائونڈرز میں بنگلادیش کے شکیب الحسن کا پہلا نمبر ہے۔ٹیسٹ پلیئرز رینکنگ میں آسٹریلیاکیمارنس لبوشین کاپہلانمبربرقرار ہے، پاکستان کے بابراعظم رینکنگ میں پانچویں نمبر پر موجود ہیں، سری لنکاکیدیموتھ کرونارتنیایک درجیترقی کینویں نمبر پرآگئے۔
سری لنکا کے دنیش چندیمل چار درجے ترقی کے بعد 14 ویں نمبر پر آگئے۔بولرز کی ٹیسٹ رینکنگ میں بھارت کے روی چندرن ایشون کا پہلا نمبر برقرار ہے، سری لنکا کے پرابتھ جے سوریا 13درجے ترقی کے بعد 19 ویں نمبر پر آگئے۔سری لنکا کے بولر رمیش مینڈس 3 درجے ترقی کے بعد 32 وین نمبر پر آگئے۔ٹیسٹ آل رائونڈرز میں بھارت کے رویندرا جڈیجا کا پہلا نمبر ہے۔
