تعلیم سے بڑھ کر کوئی چیز نہیں تعلیم ہی کسی قوم کو بناتی ہے ،راجہ پرویز اشرف

گوجر خان(گلف آن لائن) اسپیکر قومی اسمبلی راجہ پرویز اشرف نے کہا ہے کہ تعلیم سے بڑھ کر کوئی چیز نہیں تعلیم ہی کسی قوم کو بناتی ہے تعلیم ہی معاشرے کو تشکیل دیتی ہےتعلیم گھر کا نقشہ بدل دیتی ہے تعلیم کا مقصد صرف ڈگری کا حصول نہیں بلکہ اس سے کردار سازی اور شخصیت میں نکھار پیدا ہوتا ہے تعلیم معاشرے میں غلط اور صحیح میں تمیز سکھاتی وہ ملک کبھی بھی ترقی نہیں کر سکتا جب تک وہاں کی خواتین تعلیم حاصل نہ کریں عورت کا تعلیم یافتہ ہونا ایک پوری نسل کا تعلیم یافتہ ہونا ہوتا ہے جتنا بیٹوں کی تعلیم پر دھیان ضروری ہے اس سے زیادہ بیٹیوں کی تعلیم پر توجہ اور محنت ضروری ہے یونیورسٹی اور کالجز بنانے کا بنیادی مقصد یہ ہیکہ ہماری آیندہ آنے والی نسلیں ہم سے بہتر ہوں ان خیالات کا اظہار انہوں نے جنڈی موڑ سپرئیر کالج برائے خواتین نگائیل کیمپس کی افتتاحی تقریب سے خطاب کرتے ہوئے کیا تقریب کا اہتمام علاقہ کی معروف سیاسی و سماجی شخصیت رہنما پاکستان پیپلز پارٹی چوہدری عامر خورشید نے کیا اس سے پہلے جب راجہ پرویز اشرف تقریب میں پہنچے تو چوہدری عامر خورشید و دیگر نے اسپیکر قومی اسمبلی کا والہانہ استقبال کیا تقریب سے خطاب کرتے ہوئے راجہ پرویز اشرف نے کہا کہ جب بھی اقتدار ملا کوشش یہی کی کہ اپنے ملک اور بلخصوص اپنے حلقہ کی عوام کی بے لوث اور بلاتفریق خدمت کروں اور الحمد اللہ بڑی حد تک کامیاب رہا2013 میں پاکستان مسلم لیگ اور 2018 میں پاکستان تحریک انصاف کی حکومتیں مرکز اور صوبے میں رہیں دونوں جماعتوں نے تحصیل گوجرخان اور اس کے عوام کو کیا دیا کوئی ایک اینٹ تک نہیں لگوائی عوام کی فلاح وبہبود کے لیے تو کچھ نہیں کیا البتہ سوشل میڈیا پر گالی گلوچ، بتعمیزی کو فروغ دیا لوگوں کے آپس میں پیار محبت دوستیوں اور رشتے داریوں کو نفرت اور دشمنیوں میں بدل دیا فوجی تنصیبات پر حملے کئے گئے شہیدوں کی تصویروں کو جلایا گیا ہماری اس سے بڑی بد قسمتی اور کیا ہو سکتی ہے اسپیکر قومی اسمبلی راجہ پرویز اشرف نے مزید کہا کہ مجھ سمیت دیگر جماعتوں اور ان کے امیدواروں کی سابقہ کارکردگی آپ کے سامنے ہے ووٹ کا استعمال سوچ سمجھ کر کریں ووٹ اس بندے کو دیں جو آپ کی خدمت کرنے کے اہل ہوـ