کراچی (گلف آن لائن) گورنر سندھ کامران خان ٹیسوری سے گورنر پنجاب محمد بلیغ الرحمان نے گورنرہاﺅس میں ملاقات کی۔
ہفتہ کو جاری اعلامیہ کے مطابق ملاقات میں دونوں صوبوں کے درمیان مختلف شعبوں میں تعاون، وفود کے تبادلوں، صنعتی پیداوار میں اضافہ کے اقدامات اور باہمی دلچسپی کے دیگر امور پر تبادلہ خیال کیا گیا۔
گورنرسندھ نے کہا کہ سندھ اور پنجاب مختلف شعبوں میں ایک دوسرے کے تجربات سے استفادہ حاصل کرسکتے ہیں۔
انہوں نے مزید کہا کہ دونوں صوبوں کا باہمی تعاون ملک کی معیشت کے لئے بھی فائدہ مند ثابت ہوگا، خصوصا زراعت پر مبنی صنعتوں کا قیام وقت کی اہم ضرورت ہے۔
گورنرپنجاب نے کہا کہ گورنر سندھ کی کوششوں سے پورے ملک کے صنعتکاروں کو فائدہ ہوگا۔ انہوں نے مزید کہا کہ گورنر سندھ کے عوامی فلاح و بہبود کے اقدامات مثالی ہیں۔
