اسلام آباد (گلف آن لائن)سابق سینیٹر مصطفی نواز کھوکھر نے کہا ہے کہ تیل قیمتوں میں اضافہ متوسط طبقے کی کمر میں خنجر گھونپنے جیسا ہے۔
ملک میں گزشتہ روز پیٹرولیم مصنوعات کی قیمتوں میں اضافے سے متعلق سماجی رابطے کی ویب سائٹ ایکس (سابق ٹوئٹر) پر جاری کیے گئے بیان میں مصطفیٰ نواز کھوکھر نے کہا کہ عوام کب تک حکمرانوں کی نااہلی کی بھینٹ چڑھتے رہیں گے۔
مصطفی نواز کھوکھر نے کہا کہ آمدن سے زیادہ خرچہ آپ کریں اور قیمت عوام اَدا کریں،کیوں؟ خزانے میں پیسہ عوام کے خون پسینے کی کمائی سے اکٹھا ہوتا ہے۔
انہوں نے کہا کہ خزانے سے پیسے لینے کا رویہ ایسے جیسے مالِ مفت دلِ بے رحم، کچھ خدا کا خوف کریں۔انہوںنے کہاکہ اپنی نااہلی سے عام آدمی سے زندگی گزارنے کا حق تو مت چھینیں۔
