بدقسمتی سے پاکستان میں جو کمپنیاں روڈ بنارہی ہے وہ جلد ہی ٹوٹ پھوٹ کا شکار ہوتی ہے اسکا جوابدہ کون ہے؟، مولانا عبد الغفور حیدری

اسلام آباد (گلف آن لائن)جمعیت علمائے اسلام (ف)کے سینیٹر مولانا عبدالغفورحیدری نے کہاہے کہ بدقسمتی سے پاکستان میں جو کمپنیاں روڈ بنارہی ہے وہ جلد ہی ٹوٹ پھوٹ کا شکار ہوتی ہے اسکا جوابدہ کون ہے؟۔سینیٹ کی قائمہ کمیٹیوں برائے مواصلات میں اظہار خیال کرتے ہوئے مولانا غفور حیدری نے کہاکہ بلوچستان پتھریلی علاقہ ہے، یہاں سڑکیں اگر اچھی بنے تو پھر نہیں ٹوٹتی۔سینیٹر مولانا عبدالغفورحیدری نے کہاکہ ایرانی کمپنی اور کورین کمپنی نے جس سڑک پر کام کیا ہے آج تک اس کو کچھ نہیں ہوا۔

مولانا عبدالغفورحیدری نے کہا کہ یہ اتنا عرصہ چلا اور ہیوی ٹریفک کے باوجود گاڑیاں بغیر کسی خراش کے چل رہی ہے۔سینیٹر مولانا نے کہاکہ بدقسمتی سے پاکستان میں جو کمپنیاں روڈ بنارہی ہے وہ جلد ہی ٹوٹ پھوٹ کا شکار ہوتی ہے اسکا جوابدہ کون ہے؟۔انہوںنے کہاکہ پنجرہ پل بلوچستان کیلئے ایک المیہ بنا ہوا ہے،ہماری کمپنیاں کیوں اچھے معیار میں کام نہیں کرتی،ملک کیلئے بہتر ہوگا کہ منسٹر صاحب خود اسکی نگرانی کرے۔