لاہور (گلف آن لائن) مسلم لیگ(ن) کے صدر شہباز شریف او نائب صدر مریم نواز لاہور سے لندن چلی گئیں ۔ مریم نواز کے علاوہ سابق وزیراعظم شہباز شریف نے بھی ایک دن پاکستان میں قیام کے بعد اچانک لندن واپسی کا پروگرام بنا لیا اور وہ بھی ساڑھے 9 بجے لندن کیلئے روانہ ہوگئے۔
شہباز شریف، نواز شریف کے لیے اہم پیغام لے کر گئے ہیں، مریم نواز،شہباز شریف اور نواز شریف کی (کل)جمعہ کو اہم ملاقات ہوگی۔ اس ملاقات میں نواز شریف کی 21 اکتوبر کو وطن واپسی کے حتمی پروگرام کے علاوہ الیکشن سے متعلق اہم فیصلے متوقع ہیں۔ پارٹی کی سیکرٹری اطلاعات مریم اورنگزیب کا کہنا ہے کہ شہباز شریف پارٹی قائد نواز شریف کے بلانے پر لندن جا رہے ہیں، وہ لندن میںِ نواز شریف سے مشاورت کریں گے اور جلد وطن واپس آئیں گے۔
