ممبئی(نمائندہ خصوصی)بھارتی ٹیلی ویژن کا مشہور ڈرامہ سی آئی ڈی اب واپسی کیلئے تیار ہے، سونی انٹرٹینمنٹ کے سوشل میڈیا اکاؤنٹ نے ایک مختصر کلپ جاری کر کے شائقین کو خوشخبری سنائی ہے کہ سی آئی ڈی ایک نئے سیزن کے ساتھ واپس آرہا ہے۔ شواجی ساٹم کو اے سی پی پردیومن کے کردار میں دیکھ کر شائقین خوشی سے جھوم اٹھے ہیں۔ ساتھ ہی اس میں دیا شیٹی (دیا)اور ادیتیہ سریواستو (ابھیجیت)بھی واپس نظر آئیں گے۔
ٹیزر میں پردیومن کو ایک دھماکے کی جگہ پر پریشانی کے عالم میں دکھایا گیا ہے، اور ساتھ ہی شو کا مشہور سانڈ ٹریک سنائی دیتا ہے جس سے واپسی کا اعلان کیا گیا ہے۔ شائقین نے سوشل میڈیا پر اپنے جذبات کا اظہار کرتے ہوئے کہا کہ سی آئی ڈی کی واپسی بچپن کی یادیں تازہ کر رہی ہے ا ور یہ میرا پسندیدہ شو ہے، واپس آ گیا ہے۔تاہم فریڈرکس کے کردار کو شائقین یاد کریں گے، کیوں کہ دینیش پھاڈنیس، جو یہ کردار نبھاتے تھے، گزشتہ سال دسمبر میں انتقال کر گئے تھے۔
