ملک میں کورونا کیسز کا جائزہ لیا جائے گا، تعلیمی اداروں کی بندش، ایس او پیز پر عمل درآمد سمیت اہم معاملات زیر غور آئیں گے
اجلاس میں وزیراعظم عمران خان کو کورونا کی تازہ ترین صورتحال پر بریفنگ دی جائے گی، ایک بار پھر لاک ڈاﺅن کی تجویز زیر غور
اسلام آباد(گلف آن لائن) کورونا وائرس کی موجودہ صورتحال کا جائزہ لینے کے لئے وزیراعظم نے قومی رابطہ کمیٹی برائے کووڈ 19 کا اجلاس طلب کرلیا جس میں اہم فیصلے متوقع ہیں. تفصیلات کے مطابق وزیراعظم عمران خان نے قومی رابطہ کمیٹی برائے کووڈ 19 کا اجلاس کل طلب کرلیا جس میں اہم فیصلے متوقع ہیں۔اجلاس میں ملک میں کورونا کیسز کا جائزہ لیا جائے گا، تعلیمی اداروں کی بندش، ایس او پیز پر عمل درآمد سمیت اہم معاملات زیر غور آئیں گے۔اجلاس میں وزیراعظم عمران خان کو کورونا وائرس کی تازہ ترین صورتحال پر بریفنگ دی جائے گی۔
خیال رہے کہ ملک میں گزشتہ 24 گھنٹے کےدوران مزید 1123 کیسز رپورٹ ہوئے ہیں جبکہ 12 افراد جاں بحق ہوئے ہیں۔پاکستان میں کورونا سے ہونے والی اموات کی مجموعی تعداد6 ہزار835 ہوگئی ہے اور کورونا کی دوسری لہر کے دوران ہر گزرتے دن کے ساتھ کیسز میں اضافہ ریکارڈ کیا جارہا ہے۔پاکستان میں کورونا کی دوسری لہر کے دوران وائرس تیزی سے پھیل رہا ہے اور 2 ماہ سے زائد عرصے کے بعد کورونا ٹیسٹ مثبت آنے کی شرح 4 فیصد سے زائد ہوچکی ہے۔
