دبئی (گلف آن لائن)ٹی 20 ورلڈ کپ کے لیے پاکستان کرکٹ ٹیم کے دبئی پہنچنے کے بعد کوویڈ ٹیسٹ کے رزلٹ منفی آنے کے بعد (آج) پیر سے ٹی20 ورلڈ کپ کی تیاریوں کا آغاز کرے گی پاکستان ٹیم پہلا وارم اپ میچ 18 اکتوبر کو کھیلے گی۔گزشتہ روز دبئی پہنچنے کے بعد ہونے والی کوویڈ 19 ٹیسٹنگ کے نتائج منفی آنے کے بعد قومی اسکواڈ کے ارکان کو اکٹھے سرگرمیوں کی اجازت مل گئی۔
ترجمان کے مطابق قومی اسکواڈ نے دبئی کے ہوٹل میں پہلے روز 2 گھنٹے سے زائد کا جم سیشن کیا۔کھلاڑیوں نے ریکوری کے لیے پول سیشن میں بھی حصہ لیا، اسکواڈ اتوار کو دبئی میں نیٹ سیشنز کا آغاز کیا قومی ٹیم کا پہلا سیشن شام 6 بجے سے آئی سی سی اکیڈمی میں شیڈولڈ تھا۔قومی ٹیم کو میگا ایونٹ میں اپنے پہلے میچ سے قبل 2 وارپ میچز بھی کھیلنا ہیں، جو 18 اکتوبر کو ویسٹ انڈیز اور 20 اکتوبر کو جنوبی افریقہ کے خلاف ہوں گے۔
