لاہور( گلف آن لائن )اداکار علی انصاری نے اپنی بہن اداکارہ مریم انصاری کی رخصتی کی ویڈیو سوشل میڈیا پر شیئر کردی۔علی انصاری کی بہن اداکارہ مریم انصاری کی شادی پاکستان کے سینئر کرکٹر معین خان کے بیٹے اویس خان سے ہوئی ہے۔علی انصاری نے بہن مریم انصاری کی بارات اور رخصتی کی جذباتی ویڈیو شیئر کرتے ہوئے ایک خوبصورت پیغام بھی لکھا۔
پوسٹ کے کیپشن میں انہوں نے لکھا ہے کہ وہ اپنی بہن کی شادی کی تیاریوں کے آغاز سے لے کر رخصتی تک کافی جذباتی رہے اوروہ اس احساس کو لفظوں میں بیان نہیں کر سکتے۔انہوں نے مز ید لکھا کہ میری خواہش تھی کہ کاش ہمارے والد بھی مریم انصاری کی رخصتی کے دوران ہمارے ساتھ اِن وڈیوز میں موجود ہوتے، وہ یہ ویڈیوز دیکھ کر نہایت افسردہ محسوس کر رہے ہیں۔
