کراچی(گلف آن لائن)مالی سال 22-2021 کے پہلے ماہ برآمدت میں 18.7 فیصد اضافہ دیکھا گیا ہے جس کے باعث تجارتی خسارے میں 30 فیصد کمی ریکارڈ کی گئی ہے۔مشیر تجارت عبدالرزاق داود نے اپنے ٹوئیٹر پیغام کے ذریعے بتایا کہ رواں مالی سال جنوری میں 2 ارب 54 کروڑ 60 لاکھ ڈالر کی برآمدات ہوئیں جو گزتہ مالی سال 2 ارب 14 کروڑ 50 لاکھ ڈالر کی برآمدات سے 18.7 فیصد زیادہ ہے۔مشیر تجارت نے کہا کہ رواں مالی سال جولائی تا جنوری 17 ارب 67 کروڑ 10 لاکھ ڈالر کی برآمدات ہوئیں جو گزشتہ مالی سال اسی دوران ہونے والی برآمدات سے 24 فیصد زیادہ ہے۔مزید برآں ماہانہ بنیادوں پر درآمدات میں کمی کا رجحان بھی نظر آرہا ہے اور دسمبر 2021 کے مقابلے میں جنوری 2022 میں درآمدات میں 22 فیصد کی کمی ہوئی ہے۔
دسمبر میں درآمدات 7 ارب 58 کروڑ ڈالر کی تھیں جبکہ جنوری 2022 میں درآمدات 5 ارب 90 کروڑ 80 لاکھ ڈالر کی درآمدات ہوئیں۔وفاقی ادارہ شماریات سے جاری کردہ اعدادوشمار کے مطابق ماہانہ بنیاد پر درآمدات میں کمی اور برآمدات میں اضافے ہوا ہے جس سے جنوری میں تجارتی خسارہ 30 فیصد سے کم ہوکر 3.36 ارب ڈالر کی سطح پر آگیا ہے۔مشیر تجارت نے کہا کہ جنوری 2022 میں گارمنٹس، ہوم ٹیکسٹائل، چاول سمیت متعدد اشیا کی برآمدات میں اضافہ ہیمینز گارمنٹس 19 فیصد اضافے سے 42 کروڑ 30 لاکھ ڈالر، ہوم ٹیکسٹائل کی برآمدات 15 فیصد اضافے سے 39 کروڑ 30 لاکھ ڈالر، چاول کی برآمد میں 13 فیصد اضافہ، حجم 21 کروڑ 90 لاکھ ڈالر، کاٹن فیبرک 43 فیصد اضافے سے 21 کروڑ 60 لاکھ ڈالر ریکارڈ کی گئی۔
اسی طرح ویمنز گارمنٹس، جرسی، ٹی شرٹ، پلاسٹک کی ایکسپورٹ بھی اضافہ دیکھنے میں آیا ہے۔البتہ سیمنٹ کی ایکسپورٹ میں 18 فیصد کمی، حجم 1 کروڑ 70 لاکھ ڈالر رہا، دواوں کی برآمدات 26 فیصد کمی سے 1 کروڑ 70 لاکھ ڈالر ریکارڈ کی گئی۔ سوتی دھاگہ، سرجیکل آلات، گرم کپڑوں کی برآمدات میں بھی کمی آئی۔جنوری 2022 میں امریکہ، چین، اٹلی، اسپین کو ملکی برآمدات میں اضافہ ہوا ہے، عرب امارات، بنگلہ دیش، سری لنکا، ملائشیا، ترکی کو پاکستانی ایکسپورٹ میں اضافہ ہوا ہے البتہ برطانیہ، سعودی عرب، روس، افعانستان، سویڈن کو برآمدات میں کمی آئی ہے۔
