ممبئی(گلف آن لائن) بالی ووڈ کے سلومیاں نے کنگ خان کی آنیوالی فلم ”پٹھان” کے بارے میں بڑی پیشگوئی کی ہے۔بالی ووڈ کے بادشاہ شاہ رخ خان 4 سال کا طویل بریک لے کر فلم ”پٹھان” کے ذریعے بالی ووڈ میں واپسی کررہے ہیں۔ شاہ رخ خان کے مداح فلم ”پٹھان” کا ٹیزر دیکھ کر بے حد پرجوش ہیں، جبکہ سلمان خان نے کنگ خان کی آنے والی فلم کے بارے میں بڑی پیشگوئی کی ہے۔بھارتی میڈیا کے مطابق فلم ”پٹھان” کے پروڈیوسر آدیتیہ چوپڑا نے حال ہی میں سلمان خان کو فلم کی 20 منٹ کی فوٹیج دکھائی ہے اس فوٹیج میں سلمان خان بھی موجود ہیں۔
دراصل فلمساز نے ہدایت کار سدھارتھ آنند کیساتھ مل کر ان مخصوص مناظر کے وی ایف ایکس کا کام مکمل کرلیا ہے اور اسی وجہ سے آدیتیہ چوپڑا کو اس پر سلمان خان کی رائے چاہئے تھی۔ فلم کے مناظر دیکھنے کے بعد سلمان خان نے شاہ رخ خان سے فون پر بات کرتے ہوئے انہیں یقین دلایا کہ ان کی فلم بلاک بسٹر ہے۔ سلمان نے اپنے دوست سے کہا کہ وہ پریشان نہ ہوں کیونکہ یہ فلم باکس آفس پر نیا معیار قائم کریگی۔ اس کے علاوہ سلو میاں نے ایکشن موڈ میں آنے کیلئے شاہ رخ خان کی طرف سے کی جانے کوششیں اور فلم کی شاندار کامیابی کیلئے انہیں ایڈوانس مبارکباد دی۔
