بیجنگ (نمائندہ خصوصی)ماں سے محبت اور عقیدت کو ہر زمانے میں وسیع پیمانے پر تسلیم کیا جاتا رہا ہے۔
اتوار کے روز چینی میڈ یا کے مطا بق چینی صدرشی جن پھنگ کی والدہ کو ، کمیونسٹ پارٹی آف چائنا کی ایک شاندار رکن ہونے کے ساتھ ساتھ ایک مثالی اور قابل احترام ماں کا درجہ حاصل ہے جنہوں نے زندگی کے تمام امور احسن طور پر سرانجام دیے ، اپنے قول و فعل سے اولاد کی مثالی تربیت کی اور اپنے شاندار رویے اور ایک بہترین گھریلو ماحول کے ذریعے اپنے بچوں کو زیور تعلیم سے آراستہ کیا ۔
یہی وجہ ہے کہ آج شی جن پھنگ ملک اور عوام کے لیے زیادہ ذمہ داری محسوس کرتے ہیں کیونکہ اس سے اُن کی والدہ کی بلند توقعات وابستہ ہیں۔
چینی صدر شی جن پھنگ ایک نظم کا حوالہ دیتے ہیں جو 1200 سال پہلے چین میں تھانگ شاہی دور کے مشہور شاعر مینگ جیاؤ نے لکھی تھی۔ اس نظم میں ایک ماں کے بارے میں بتایا گیا ہے جو دور سفر پر روانگی سے قبل اپنے بچوں کے لیے کپڑے سیتی ہے۔یہ نظم ایک ماں کی اپنے بچوں سے محبت اور اپنے خاندان سے گہری وابستگی کی مظہر ہے۔
