کراچی(گلف آن لائن)پاکستان کرکٹ بورڈ نے 24 مئی سے شروع ہونے والی پاکستان بمقابلہ سری لنکا ویمنز سیریز کیلئے میچ آفیشلز کا اعلان کردیا ہے۔ دونوں ممالک کی خواتین ٹیموں کے مابین ٹی ٹونٹی اور ون ڈے انٹرنیشنل سیریز کے تمام میچز ساؤتھ اینڈ کلب کراچی میں کھیلے جائیں گے۔سیریز میں شرکت کے لیے مہمان ٹیم 19 مئی کو پاکستان پہنچے گی۔ ٹی ٹونٹی سیریز میں شامل تین میچز 24، 26 اور 28 مئی کو کھیلے جائیں گے۔ آئی سی سی ویمنز چیمپئن شپ میں شامل تین ون ڈے انٹرنیشنل میچز یکم، تین اور پانچ جون کو کھیلے جائیں گے۔ آصف یعقوب، فیصل آفریدی، امتیاز اقبال اور عمران جاوید اس سیریز میں آن فیلڈ امپائرز کی ذمہ داریاں نبھائیں گے۔ ٹی ٹونٹی انٹرنیشنل سیریز کے لیے علی نقوی جبکہ ون ڈے انٹرنیشنل سیریز کے لیے جاوید ملک کو میچ ریفری مقرر کیا گیا ہے۔امپائرز اور میچ آفیشلز میں پہلا ٹی ٹونٹی انٹرنیشنل میچ میں آصف یعقوب اور فیصل آفریدی (آن فیلڈامپائرز)،
امتیاز اقبال (ریزرو امپائر)؛ علی نقوی (میچ ریفری)،26 مئی کو ہونے والے دوسرے ٹی ٹونٹی انٹرنیشنل میچ میں فیصل آفریدی اور عمران جاوید (آن فیلڈامپائرز)، آصف یعقوب (ریزرو امپائر)، علی نقوی (میچ ریفری)،28 مئی کو ہونے والے تیسرے ٹی ٹونٹی انٹرنیشنل میچ میں آصف یعقوب اور امتیاز اقبال (آن فیلڈامپائرز)، عمران جاوید (ریزرو امپائر)علی نقوی (میچ ریفری)،یکم جون کو ہونے والے پہلا ون ڈے انٹرنیشنل میچ میں آصف یعقوب اور فیصل آفریدی (آن فیلڈامپائرز)، عمران جاوید (ریزرو امپائر)؛ محمد جاوید ملک (میچ ریفری)،3 جون کوہونے والے دوسرا ون ڈے انٹرنیشنل میچ میں فیصل آفریدی اور عمران جاوید (آن فیلڈامپائرز)، امتیاز اقبال (ریزرو امپائر)؛ محمد جاوید ملک (میچ ریفری)،5 جون کو ہونے الے تیسرے ون ڈے انٹرنیشنل میچ میں آصف یعقوب اور امتیاز اقبال (آن فیلڈامپائرز)، فیصل آفریدی (ریزرو امپائر)؛ محمد جاوید ملک (میچ ریفری) شامل ہیں ۔
