دو حہ (گلف آن لائن)امریکا، کینیڈا اور میکسیکو میں ہونے والے فٹبال ورلڈ کپ 2026 میں ان تینوں ممالک کے 16 شہروں میں ٹورنامنٹ منعقد ہوگا۔ورلڈ کپ 2026 کے میچز امریکا کے 11، میکسیکو کے 3 اور کینیڈا کے 2 شہروں میں ہوں گے۔امریکا، میکسیکو اور کینیڈا کے جن شہروں میں 2026 کا فٹبال ورلڈکپ کھیلا جائے گا ان میں امریکا،لاس اینجلس ،ہیوسٹن،نیویارک/نیو جرسی،میامی،اٹلانٹا،سیٹل،سان فرانسسکو،کانسز سٹی،ڈلاس،فلاڈیلفیا،کانسس سٹی،میکسیکو،میکسیکو شہر،گواڈالاجارا،مونٹیری،کینیڈا،وینکوور،ٹورونٹو شامل ہیں ۔
2026 میں یہ پہلا موقع ہوگا کہ ٹورنامنٹ میں موجودہ 32 ٹیموں کے فارمیٹ کے بجائے 48 ٹیمیں شامل ہوں گی، اس کے علاوہ پہلی بار ٹورنامنٹ تین میزبان ممالک میں منعقد کیا جائے گا۔واضح رہے کہ امریکا، کینیڈا اور میکسیکو کو 2018 میں 2026 کے فٹبال ورلڈکپ کی میزبانی کیلئے منتخب کیا گیا تھا۔ خیال رہے کہ اس سے قبل امریکا نے 1994 میں ورلڈ کپ کی میزبانی کی تھی جبکہ میکسیکو 1970 اور 1986 میں ٹورنامنٹ کی میزبانی کرچکا ہے۔
