اسلام آباد (گلف آن لائن)پاکستان جونیئر لیگ میں لیجنڈری جاوید میانداد کیساتھ ویون رچرڈز لیگ کے مینٹور مقرر ہوگئے ،دونوں عظیم کھلاڑی لیگ کے پلیٹ فارم سے ایک بار پھر قذافی اسٹیڈیم میں موجود ہوں گے۔ رچرڈ ز نے کہاکہ میانداد کیساتھ دوبارہ میدان میں اترنے پر بہت خوش ہوں ۔انہوںنے کہاکہ امید ہے کہ پاکستان جونیئر لیگ سے نئے کرکٹ ستارے سامنے آئیں گے ۔
جاوید میانداد نے کہاکہ ویون رچرڈز دنیا کے عظیم کھلاڑیوں میں سے ایک ہیں ان کیساتھ دوبارہ میدان میں اترنے کا موقع یادگار ہوگا – جاوید میانداد نے کہاکہ پاکستان جونیئر لیگ کھلاڑیوں کیلئے ایک بہترین ایونٹ ہوگا جس سے وہ بہت کچھ سیکھ سکیں گے، میری کوشش ہوگی کہ اپنا تجربہ کھلاڑیوں تک پہنچائوں ۔
