اسلام آباد (گلف آن لائن)مصر میں موسمیاتی تبدیلیوں کی عالمی کانفرنس میں پاکستان میں سیلاب اور متاثرین کی مدد کے لئے کاوشوں پر وزیراعظم شہباز شریف مرکز نگاہ بن گئے ،عالمی راہنماوں نے وزیراعظم کی سیلاب متاثرہ علاقوں میں مسلسل موجودگی کو غیرمعمولی جذبہ قرار دیا ہے،وزیراعظم شہباز شریف نے کاپ 27 سربراہی کانفرنس کے موقع پر شرم الشیخ انٹرنیشنل کانگریس سینٹر میں اہم عالمی رہنماوں سے ملاقاتیں کیں،عالمی رہنماوں نے پاکستان میں سیلاب سے ہونے والی تباہ کاریوں اور جانی نقصانات پر افسوس کا اظہار کیا،
وزیراعظم سے عراق کے صدر عبداللطیف راشد، تاجکستان کے صدر امام علی رحمن، انڈونیشیا کے صدر جوکو ویدودو نے الگ الگ ملاقات کی ،وزیر اعظم نے کہا کہ خورنی تیل کے جہازوں کی فوری ترسیل پر آپ کا بے حد شکریہ ادا کرتے ہیںجس پر انڈونیشیاءکے صدر نے کہا کہ پاکستان ہمارا بھائی ہے، ہر ممکن مدد پر خوشی ہوگی،شہباز شریف نے انڈونیشیا کی حکومت اور عوام کے لئے نیک تمناوں کا پیغام بھجوایا۔
وزیر اعظم سے ملاقات کے دوران تاجکستان کے صدر امام علی رحمن نے رواں سال دسمبر میں پاکستان آنے کا عندیہ دیا ہے ، شہباز شریف نے کہا کہ موسمیاتی تبدیلیوں سے پوری دنیا متاثر ہو رہی ہے، اجتماعی کوششیں لازم ہیں،وزیراعظم نے متاثرین سیلاب کی امداد پر عالمی برادری کا شکریہ ادا کیا،عالمی راہنماو¿ں نے دوطرفہ، علاقائی اور عالمی امور پر بھی تبادلہ خیال کیا۔
