کراچی(گلف آن لائن)پاکستان تحریک انصاف کے سربراہ اور سابق وزیراعظم عمران خان نے سندھی یوم ثقافت کے موقع پر صوبے کے عوام کو خصوصی پیغام دیا ہے۔
سندھ یوم ثقافت کے موقع پر پی ٹی آئی چیئرمین عمران خان نے اپنے ٹوئٹ میں کہا ہے کہ سندھ صوفیوں اور آزادی کی سرزمین ہے،آج ہم سندھ کی شاندار ثقافت اور روایات کا جشن منا رہے ہیں۔سابق وزیراعظم نے مزید کہا کہ افسوس کہ سندھ زرداری مافیا کے ظلم وستم کا شکار ہے لیکن سندھ اپنی عظمت اور آزادی کیلئے دوبارہ ظلم کیخلاف اٹھے گا۔
