ولنگٹن (گلف آن لائن)نیوزی لینڈ کی قومی کرکٹ ٹیم رواں ماہ بھارت کا دورہ کرے گی ۔ نیوزی لینڈ کرکٹ (این زیڈ سی ) کے اعلامیے کے مطابق کیوی ٹیم اپنے دورہ بھارت کے دوران میزبان ٹیم کے خلاف تین ایک روزہ بین الاقوامی اورتین ٹی ٹونٹی میچوں کی سیریز کھیلے گی۔ نیوز ی لینڈ کی ون ڈے ٹیم کی قیادت ٹام لیتھم کریں گے ۔ دونوں ٹیموں کے درمیان تین تین ایک روزہ بین الاقوامی میچوں کی سیریز کا پہلا میچ 18جنوری 2023 راجیو گاندھی انٹرنیشنل سٹیڈیم، حیدرآباد میں کھیلا جائے گا ،دوسرا میچ 21 جنوری کو شہید ویر نارائن سنگھ انٹرنیشنل سٹیڈیم، رائے پورمیں کھیلا جائے گا جبکہ تیسرا اور آخری ون ڈے میچ 24جنوری کو ہولکر کرکٹ سٹیڈیم، اندور کے مقام پر کھیلا جائے گا۔
اس کے بعد دونوں ٹیمیں تین ٹی ٹونٹی میچوں کی سیریز کے لئے رانچی روانہ ہوں گی جہاں دونوں ٹیموں کے درمیان تین ٹی ٹونٹی میچوں کی سیریز کا پہلا میچ 27جنوری کو رانچی کے مقام پر مد مقابل ہوں گی ، دوسرا ین ٹی ٹونٹی میچ 29 جنوری کو لکھنئو جبکہ تیسرا اور آخری ین ٹی ٹونٹی میچ یکم فروری کو احمد کے مقام پر میں کھیلا جاے گا۔
