کراچی (گلف آن لائن)سجل علی ان چند پاکستانی اداکاراؤں میں شامل ہیں جن کے انسٹاگرام فالوورز کی تعداد قریب 10 ملین تھی لیکن اداکارہ کا اکاؤنٹ اچانک غائب ہوگیا جس سے مداح خاصی تشویش میں مبتلا ہیں۔سوشل میڈیا صارفین سجل علی کو انسٹاگرام پر سرچ نہیں کر پارہے،
سرچ کرنے پر انسٹاگرام کی جانب سے معذرت کا نوٹ اسکرین پر دکھائی دے رہا ہے۔اب تک یہ واضح نہیں ہوسکا کہ آیا سجل کی جانب سے 9.4 ملین والا اکاؤنٹ خود ڈیلیٹ کردیا گیا ہے یا اسے عارضی طور پر بند کیا گیا ہے۔یہ امکان بھی ہے کہ سجل علی کا اکاؤنٹ ہیک ہوگیا ہو لیکن فی الحال اس حوالے سے کوئی تفصیلات سامنے نہیں آئیں۔واضح رہے کہ سجل علی کی بین الاقوامی فلم”واٹس لو گاٹ ٹو دو ود اٹ”24 فروری کو ریلیز کردی گئی۔
