کراچی( گلف آن لائن)نبیل ظفر نے انکشاف کیاہے کہ انہوں نے بہت سے پراجیکٹس صرف اپنے گھر کو چلانے کیلئے کیے، بہت کم کام ایسا رہا جس کو ادا کرکے خوشی ہوئی۔نجی ٹی وی کے پروگرام میں نبیل سے سوال پوچھاکہ کبھی کسی پراجیکٹ کو چھوڑنے میں مایوسی ہوئی؟جس پر نبیل نے جواب دیا کہ مجھے بہت سے پراجیکٹس کرنے پر بے حد مایوسی ہوئی۔
انہوں نے انکشاف کیا کہ بہت سارے پراجیکٹس تو انہوں نے گھر کے چولہے کو جلانے کیلئے کیے یعنی وہ پراجیکٹس صرف پیسوں کیلئے کیے۔ انہوں نے کہاکہ ان کو اپنے کیئریر میں کیے جانے والے تمام پراجیکٹس میں سے صرف20پراجیکٹس کو انجام دے کر اچھا لگا، باقی سارے پراجیکٹس پیسہ کمانے کیلئے کئے۔
