اسلام آباد(گلف آن لائن) وفاقی وزیر اطلاعات مریم اورنگزیب نے کہا ہے کہ گزشتہ 4 سال ایک بدحالی کا سفر تھا، وہ سفر کام اور ترقی میں تبدیل ہوگا۔
پارلیمنٹ ہاؤس میں میڈیا سے گفتگو کرتے ہوئے مریم اورنگزیب نے کہا کہ بجٹ میں عوام دیکھے گی معاشی ویژن کیا ہوتا ہے، ایک فتنہ فسادی اور انتشار نے ملک معیشت پر حملہ آور ہونے کی کوشش کی، اب سمت استحکام کی طرف ہے، بجٹ میں سرکاری ملازمین کیلئے خوشخبری ہے۔
انہوں نے مزید کہا ہے کہ زراعت، بزنس اور نوجوانوں کیلئے بڑا ریلیف پیکیج عوام دیکھے گی، چار سال کی نااہلی، نالائقی، چوری، کرپشن اور معیشت کی تباہی کی وجہ سے مایوسی پھیلی، 2013 میں جس طرح معیشت کو سیدھے راستے پر ڈالا تھا اسی سمت کے تعین کی کوشش ہے۔
