کراچی (گلف آن لائن) پاکستانی معروف اداکارہ و میزبان صنم جنگ نے شوہر کی کوکنگ کی صلاحیتوں پر ساس کی واہ واہ کر ڈالی۔صنم جنگ آج کل امریکا میں اپنے شوہر قصام جعفری کے پاس موجود ہیں اور ان سے خوب مزے مزے کے کھانے بنوا کر کھا رہی ہیں۔صنم جنگ نے انسٹاگرام پر ایک سیلفی ویڈیو شیئر کی ہے جن میں انہیں شوہر کے ہاتھ کے بنے ہوئے بیف ٹاکو کھاتے ہوئے دیکھا جا سکتا ہے۔
صنم جنگ اپنے شوہر کی کھانا بنانے کی صلاحیتوں کی تعریف کرتے ہوئے اپنی ساس کو داد دے رہی ہیں۔صنم جنگ نے ویڈیو میں ٹاکو کھاتے ہوئے کہاکہ بہت مزے کے بنے ہیں، واہ واہ ساسو ماں واہ کیا سنسکاری بیٹا ہے۔بعد ازاں انہوں نے کہا کہ کوکنگ سب مردوں کو آنی چاہیے، جنہیں نہیں بھی آتی انہیں سیکھنی چاہیے یا پھر کم از کم سیکھنے کی کوشش بھی کرنی چاہیے۔
