لاہور ( گلف آن لائن) نگران پنجاب حکومت نے لاہور شہر کے پہلے ڈپلومیٹک انکلیو کی منظوری دے دی ۔ ذرائع کے مطابق سینٹرل بزنس ڈسٹرکٹ اتھارٹی میں پہلا ڈپلومیٹک انکلیو بنایا جائے گا،نگران حکومت نے سی بی ڈی کو ترکیہ ، چین ، یو اے ای ،ایران کو بھی قائل کرنے کا ٹاسک دے دیا ہے۔
ذرائع کا کہنا ہے کہ باب پاکستان کی 110کنال اراضی امریکی سفارتخانے نے مانگ رکھی ہے،امریکی سفارتخانے کو سی بی ڈی نے 1ارب فی کنال اراضی کا ریٹ لینے کی ڈیمانڈ کی ،سی بی ڈی نے غیر ملکی سفارتخانوں کا معاملہ نگران حکومت کے سامنے رکھا تھا، امریکی ڈپٹی چیف مشن اور امریکی قونصل جنرل لاہور کو سائٹ کا دورہ بھی کرایا جاچکا۔ماہرین کا کہنا ہے کہ ڈپلومیٹک انکلیو بننے سے منصوبہ سرمایہ کاری کے لحاظ سے پرکشش منصوبہ بن جائے گا۔
