ممبئی (گلف آن لائن)بالی ووڈ فلم ڈائریکٹر فرحان اختر نے تصدیق کی ہے کہ ڈان 3میں شاہ رخ خان نہیں ہوں گے۔ڈان 3کا ٹیزر ریلیز ہونے کے بعد معلوم ہوا کہ نئے ڈان رنویر سنگھ بنیں گے۔اس انکشاف پر فلم شائقین نے ملے جلے ردعمل کا اظہار کیا، کچھ نے شاہ رخ خان کے جانے کا غم منایا تو کچھ کو رنویر سنگھ کا نیا روپ دیکھنے کیلئے بے تاب ہے۔
رنویر سنگھ نے اپنے بچپن کی چند تصاویر انسٹاگرام پر شیئر کیں اور ازراہ مذاق یہ بتانے کی کوشش کی کہ وہ ہمیشہ سے ہی ‘ڈان’ بننا چاہتے تھے۔تصویر میں رنویر نے کھلونا پستول تھامی ہوئی ہے، دوسری تصویر میں انہوں نے سیاہ چشمہ بھی لگایا ہوا ہے۔ انہوں نے کہا کہ امیتابھ بچن اور شاہ رخ خان کو ڈان بنتے دیکھ کر مجھے بھی ڈان بننے کا شوق تھا، امید ہے میری پرفارمنس پر دونوں کو فخر ہوگا۔
