لاہور(گلف آن لائن)ایشین کرکٹ کونسل (اے سی سی) ایشیا کپ کے سری لنکا میں ہونے والے میچز کے سلسلے میں پہلے مرحلے کے ٹکٹوں کی فروخت کا آغاز ہوگیا۔پاکستان کرکٹ بورڈ کے مطابق کولمبو میں سپر فور مرحلے کے میچز کے ٹکٹ کی کم سے کم قیمت 10 ڈالر ہوگی۔کولمبو میں میچز کا زیادہ سے زیادہ ٹکٹ 400 ڈالر، کینڈی میں بنگلا دیش اور سری لنکا کے میچ کی کم سے کم قیمت 5 ڈالر مقرر کی گئی ہے۔کینڈی میں گرینڈ اسٹینڈ کے ٹکٹ کی قیمت 50 ڈالر ہوگی۔
ایشیا کپ کے سری لنکا میں ہونے والے میچز کے سلسلے میں دوسرے مرحلے کے ٹکٹوں کی فروخت پاکستانی وقت کے مطابق شام 6 بجکر 30 منٹ پر شروع ہوئی۔ان میچز میں دو ستمبر کو ہونے والا پاکستان اور بھارت کا میچ بھی شامل ہے۔یاد رہے کہ ایک شناختی کارڈ یا پاسپورٹ پر زیادہ سے زیادہ چار ٹکٹ خریدے جاسکتے ہیں جبکہ پاکستان اور بھارت کے میچ کے لیے ایک شناختی کارڈ یا پاسپورٹ پر 2 ٹکٹ خریدے جاسکتے ہیں۔ہاسپیٹیلیٹی یا کارپوریٹ آرڈرز کے لیے Ticketing@pcb.com.pk پر ای میل کی جاسکتی ہے۔
