ممبئی(گلف آن لائن) ایشیا کپ میں پاکستان اوربھارت کے میچ کے موقع پر بھارتی اداکارہ اروشی روٹیلا نے اپنے سوشل میڈیا پر پاکستانی کرکٹر نسیم شاہ کی تصویر شیئر کردی۔
اداکارہ اروشی روٹیلا نے اپنے سوشل میڈیا اکاﺅنٹس پر ایک اسکرین کی تصویر شیئر کی جس میں پاکستانی بولر نسیم شاہ کو ٹیم کے دیگر کھلاڑیوں کے ساتھ دیکھا جا سکتا ہے۔
اروشی روٹیلا کی پوسٹ سوشل میڈیا پر وائرل ہو رہی ہے اور لوگ اس پر دلچسپ تبصرے کررہے ہیں۔خیال رہے کہ گزشتہ برس اروشی روٹیلا نے فاسٹ بولر نسیم شاہ کی ویڈیو اسٹوری پوسٹ کی تھی جس کے بعد اروشی روٹیلا اور نسیم شاہ کی دوستی سے متعلق افواہیں گردش کرنے لگی تھیں.
تاہم نسیم شاہ نے افواہوں کی تردید کرتے ہوئے کہا تھا کہ وہ بھارتی اداکارہ کو نہیں جانتے اور ان کی تمام تر توجہ اپنے کھیل اور کیرئیر پر ہے۔
