لاہور (گلف آن لائن)نگران وزیرِ اعلی پنجاب محسن نقوی نے کہا ہے کہ شوگر ملز مالکان پنجاب حکومت کو 140 روپے فی کلو چینی فروخت کریں گے۔
نگران وزیرِ اعلیٰ پنجاب محسن نقوی سے شوگر ملز مالکان کے وفد نے ملاقات کی ، اس موقع پر وزیر اعلی نے کہا کہ عوام کو ریلیف دینے کے لیے اتوار بازاروں میں خصوصی سٹالز پر چینی فروخت کریں گے۔
محسن نقوی نے مزید کہا کہ ملاقات میں کرشنگ سیزن 28 اکتوبر سے شروع کرنے پر اتفاق کیا گیا ۔شوگر ملز مالکان کے وفد میں ہارون اختر، ذکا اشرف، فواد مختار اور دیگر شامل تھے۔
