ریاض (گلف آن لائن) سعودی عرب نے آگ بجھانے والے روبوٹ اور کیمیکل سینسنگ ڈرون تیار کرلیے، سعودی وزارت داخلہ نے ان کی نمائش کی۔
عرب نیوز کے مطابق ریاض ایگزیبیشن اینڈ کنونشن سینٹر میں دی سٹی سکیپ گلوبل ایگزیبیشن میں سعودی وزارت داخلہ کے پویلین میں آگ بجھانے والے روبوٹس اور کیمیکل کا پتہ لگانے والے ڈرون توجہ کا مرکز بن چکے ہیں،
آگ بجھانے والا روبوٹ پانی اور فوم سے باہر نکلنے کے لیے تین سوراخوں، واضح تصاویر فراہم کرنے کے لیے تھرمل کیمروں اور انسانی فائر فائٹرز کو چیلنج کرنے والے آپریشنز میں روبوٹ کی نقل و حرکت کے طریقہ کار سے لیس ہے، اس روبوٹ کو فائر مین کی حفاظت کی سطح کو بڑھانے کے لیے ڈیزائن کیا گیا ہے،
جو خاص طور پر شدید آگ، ناقابل رسائی علاقوں اور خطرناک کاموں میں مددگار ثابت ہوگا۔اس کے علاوہ ڈسپلے پر ایک ڈرون بھی ہے جسے خاص طور پر تابکاری اور کیمیائی مادوں کی نگرانی کے لیے ڈیزائن کیا گیا ہے جو اس کے بیس سے منسلک ڈیوائس کا استعمال کرتے ہوئے کام کرتا ہے، ڈیوائس کے ذریعے جمع کردہ ڈیٹا کو تجزیہ اور تشریح کے لیے براہ راست ٹیبلٹ پر بھیجا جاتا ہے،
یہ جدید ڈرون 2 کلومیٹر کی بلندی پر پرواز کرنے، 7 کلومیٹر کا افقی فاصلہ طے کرنے اور 88 کلومیٹر فی گھنٹہ کی رفتار تک پہنچنے کی صلاحیت رکھتا ہے، اس ڈرون کو تابکاری کو برداشت کرنے کے لیے مضبوط کاربن فائبر فریم کے ساتھ بنایا گیا ہے اور استحکام کے لیے 8 انجنوں سے لیس ہےبتایا گیا ہے کہ وزارت داخلہ سٹی سکیپ گلوبل ایگزیبیشن میں شرکت کر رہی ہے،
جو مملکت میں شروع ہونے والی سب سے بڑی عالمی نمائش ہے، جس کے ذریعے 170 سے زائد ممالک کی شرکت کے ساتھ سعودی ویژن 2030ءکے منصوبے ایک ہی چھت کے نیچے مختلف طرز کی نمائش کے لیے تقریبات منعقد ہوں گی۔
