ممبئی(گلف آن لائن) بالی ووڈ سٹار سلمان خان کی فلم ٹائیگر3 کا ٹیزر جاری کردیا گیاہے۔بھارتی میڈیا کے مطابق سلمان خان کی نئی فلم ٹائیگر3 کا نیا ٹیزر جاری کردیا گیا ہے، یہ منیش شرما کی ہدایت کاری میں بننے والی فلموں میں سے اب تک کی بہترین فلم ہوگی ،سب کی نظریں فلم کی ریلیز پر ہیں۔ سوشل میڈیا پر جاری ٹیزر کا آغاز سلمان خان کی جھلک سے ہوتا ہے وہ کہتے ہیں کہ 20سال بھارت کی خدمت کرنے کے بعد کیا ٹائیگر کو کریکٹر سرٹیفکیٹ کی ضرورت ہے؟ کیا ٹائیگر غدار ہے؟
یا ٹائیگر ایک محب وطن ہے؟ٹیزر کے پس منظر میں گولیوں کی آوازیں سنائی دیتی ہیں، اس کے بعد سلمان خان کو کئی فوجیوں کے ساتھ لڑتے دکھایا گیا ،لڑائی کے کافی مناظر بھی دکھائے گئے۔سلمان خان کو ٹیزر میں یہ ڈائیلاگ بولتے ہوئے سنا جاسکتا ہے کہ جب تک ٹائیگر ہمارا نہیں، تب تک ٹائیگر ہارا نہیں۔ٹیزر دیکھ کر مداحوں کو اب فلم کی ریلیز کا بے صبری سے انتظار ہے۔
