کراچی(گلف آن لائن)اداکار جوڑی احسن محسن اکرم اور منال خان کے ہاں بیٹے کی پیدائش ہوئی ہے۔اداکارہ نے انسٹاگرام پر مداحوں کو بتایا کہ یکم نومبر کی صبح دس بج کر 48منٹ پر ہمارے ہاں بیٹے حسن اکرم کی پیدائش ہوئی ہے۔ اداکارہ نے لکھا کہ ہم دنیا میں آمد پر اپنے بیٹے کو خوش آمدید کہتے ہیں۔
اداکار احسن محسن اکرم نے بھی بیٹے کی پیدائش کے حوالے سے یہی پیغام شیئر کیا۔سوشل میڈیا پر پیغام شیئر ہونے کے بعد مداحوں ،ساتھی فنکاروں نے منال، احسن محسن کو مبارک باد پیش کی اور ننھے مہمان کیلئے نیک خواہشات کا اظہار کیا۔
