کراچی (گلف آن لائن)اداکارہ صباء فیصل دوسری بار دادی بن گئیں، ننھے مہمان کی تصاویر بھی شیئر کر دیں۔انسٹا گرام پر اداکارہ نے اپنے بڑے بیٹے سلمان فیصل اور بہو نیہا سلمان کے دوسرے بچے کے ساتھ تصاویر شیئر کی ہیں۔انہوں نے تصاویر کے ساتھ کیپشن میں لکھا ہے کہ ماشا اللہ!میں بھری پوری ہوں اور ساتھ ہی انہوں نے دونوں ہاتھ جوڑنے والے ایموجی کا اضافہ کیا۔صبا فیصل کی جانب سے شیئر کی گئی تصاویر میں ان کے بیٹے اور اداکار سلمان فیصل اور ان کی اہلیہ نیہا فیصل کو بھی دیکھا جا سکتا ہے، نیہا سلمان ہسپتال کے بستر اور ہسپتال کے یونیفارم میں ملبوس ہیں۔
اداکارہ صبا فیصل کے گھر آئے ننھے مہمان کے بارے میں یہ تو معلوم نہ ہو سکا کہ یہ لڑکی ہے یا لڑکا ہے، تاہم تصاویر میں سفید اور نیلے رنگ کے امتزاج کی چادر اس بات کا عندیہ ہے کہ ان کے یہاں پوتے کی آمد ہوئی ہے۔اداکارہ کو ان کی انسٹا سٹوری میں مٹھائی کی دکان سے مٹھائی کی خریداری کرتے بھی دیکھا جا سکتا ہے جبکہ ان کے دوسرے بیٹے اور اداکار ارسلان فیصل کی انسٹا سٹوری کے مطابق اداکارہ لاہور میں ہیں۔
