لاہور (گلف آن لائن)معروف بالی ووڈ اداکارہ راکھی ساونت نے پاکستانی شو میں شرکت کا اعلان کردیا۔بھارت کی معروف اداکارہ راکھی ساونت کچھ عرصہ قبل عادل درانی نامی شخص سے شادی اور اسلام قبول کرنے کا اعلان کرکے لوگوں کی خصوصی توجہ حاصل کی تھی، انہوں نے اپنا نام فاطمہ رکھا اور عمرہ ادائیگی کی تصاویر بھی سوشل میڈیا پر شیئر کی تھیں۔بالی ووڈ اداکارہ راکھی ساونت سے ملاقات کی ویڈیو آفتاب اقبال نے اپنے یوٹیوب چینل پر اپ لوڈ کی ہے، اس ویڈیو میں راکھی نے اس بات کا اعلان کیا ہے کہ وہ معروف پاکستانی ٹی وی میزبان آفتاب اقبال کے شو میں شرکت کریں گی۔
ویڈیو میں راکھی ساونت کو جانے مانے پاکستانی اینکر اور ادبی شخصیت آفتاب اقبال کے ساتھ بات چیت کرتے ہوئے دیکھا جاسکتا ہے۔آفتاب اقبال ویڈیو میں راکھی ساتھ کا پرتپاک استقبال کرتے اور اس بات کی تصدیق کرتے نظر آرہے ہیں کہ بھارتی اداکارہ ان کے شو میں شرکت کریں گی۔راکھی ساونت نے آفتاب اقبال کو اس بات کی یقین دہانی کرائی کہ جب بھی سیٹ پر ان کی ضرورت ہوگی وہ فوری طور پر وہاں پہنچ جائیں گی۔آفتاب اقبال راکھی کی ورسٹائل اداکاری کی صلاحیتوں کا اشارہ دیتے ہوئے تجویز کرتے ہیں کہ وہ شو کی تمام اقساط میں مختلف کرداروں میں نظر آئیں گی۔
انہوں نے مزید کہا کہ آپ اصل راکھی ساونت کو نہیں جانتے۔ جس پر بھارتی اداکارہ نے بھرپور جواب دیتے ہوئے کہا کہ آفتاب اقبال آپ کو اصل راکھی ساونت سے ملوائیں گے۔آفتاب اقبال نے اپنے اانے والے ٹی وی شو کا تصور واضح کرتے ہوئے بتایا کہ ان کی سیاسی مسائل کے بجائے سوشل ایشوز پر توجہ ہے۔ انہوں نے مزید بتایا کہ شو متحدہ عرب امارات میں فلمبند کیا جائے گا۔
