سڈنی(گلف آن لائن)عالمی نمبرایک نوواک جوکووچ کو کروشیا کے نوجوان کھلاڑی نے دن میں تارے دکھا دیے۔آسٹریلین اوپن میں ڈینو پریزمک کے خلاف جوکووچ کا پہلا میچ ریکارڈ کا حصہ بن گیا۔
جوکووچ نے میچ تو 1 کے مقابلے میں 3 سیٹس سے جیت لیا لیکن یہ ان کے گرینڈ سلیم تاریخ کا سب سے طویل پہلا راؤنڈ میچ بن گیا جو 4 گھنٹے ایک منٹ تک جاری رہا۔ویمنز سنگلز میں عالمی نمبر دو بیلا روس کی آرینا سابالینکا اور یونان کی ماریا سکاری نے اپنے میچز جیت لیے۔
