بیروت(گلف آن لائن)نیٹو کے سیکریٹری جنرل اسٹولٹن برگ نے لبنانی نژاد برطانوی خاتون فرح دخل اللہ کو اتحاد کا ترجمان مقرر کردیا۔
غیرملکی میڈیا کے مطابق فرح دخل اللہ برطانیہ اور اقوام متحدہ میں کئی عہدے سنبھال چکی ہیں۔نیٹو کی ویب سائٹ پر جاری کیے گئے بیان کے مطابق فرح دخل اللہ رواں ماہ سے اپنی ذمہ داریاں سنبھالیں گی۔
اسٹولٹن برگ کا کہنا تھا کہ فرح دخل اللہ کو نیٹو کی اگلی ترجمان کے طور پر خوش آمدید کہنے کا منتظر ہوں، ایک زیادہ خطرناک دنیا میں میڈیا کے ساتھ واضح اور بروقت رابطہ پہلے سے کہیں زیادہ اہم ہے۔فرح نے اپنی بنیادی تعلیم لبنان میں حاصل کی، 2004 میں انہوں نے بیروت کی سینٹ جوزف یونیورسٹی سے آڈیو ویژول آرٹس میں یونیورسٹی ڈگری حاصل کی۔
اس کے بعد انہوں نے 2005 میں لندن اسکول آف اکنامکس سے میڈیا اور کمیونیکیشن میں ماسٹر ڈگری حاصل کی۔ بعدازاں 2009 میں انہوں نے کیمبرج یونیورسٹی سے بین الاقوامی تعلقات میں دوسری ماسٹر ڈگری بھی حاصل کی
