اسلام آباد (نمائندہ خصوصی)رہنما پی ٹی آئی علی محمد خان نے کہا ہے کہ بانی پی ٹی آئی کے خلاف اور کیسز تیار کیے جارہے ہیں۔علی محمد خان نے میڈیا سے گفتگو کے دوران کہا کہ بانی پی ٹی آئی نے گزشتہ روز سپریم کورٹ میں اپنا مؤقف پیش کیا، بانی پی ٹی آئی نے وکلاء کے ساتھ مشاورت کی اجازت مانگی ہے، نیب ترمیم کیس پر ہمارا موقف ہے اسے براہ راست دکھایا جائے۔
انہوں نے کہا کہ بانی پی ٹی آئی کے ایکس ہینڈل سے متنازع بیان پر پارٹی کااجلاس بلایا ہے۔علی محمد خان نے کہا کہ رؤف حسن نے واضح کیا کہ بانی پی ٹی آئی کو اس ویڈیو سے متعلق کوئی علم نہیں، بانی پی ٹی آئی نے ہمیشہ ملک کے وقار کو مد نظر رکھا ہے۔محمد علی خان نے کہا کہ حکومت کو ہم حکومت نہیں مانتے، ہمارے وکلاء پر دہشت گردی کے مقدمات درج کیے گئے ہیں۔
٭٭٭٭٭
