اسلام آباد (نمائندہ خصوصی)الیکشن کمیشن آف پاکستان کے تین رکنی بنچ کی جانب سے اسلام آباد کے تین حلقوں کے لئے ٹریبنل تبدیل کرنے کافیصلہ کرلیا گیا مسلم لیگی حلقوں میں خوشی کی لہر دوڑ گئی ، تفصیلات کے مطابق الیکشن میں دھاندلی کیخلاف پاکستان تحریک انصاف کی پٹیشن پر جسٹس طارق محمود جہانگیری کے ٹریبنل میں سماعت جاری تھی جہاں پر پی ٹی آئی کے امیدوار شعیب شاہین نے الیکشن کے نتائج کو چیلنج کیا تھااس موقع فارم 45اور47بھی جمع کرائے تھے ، آزاد امیدوارمصطفیٰ نواز کھوکھرنے اپنے فارم 45اور47 جمع کرادیئے۔
جسٹس طارق جہانگیری کی جانب سے مسلم لیگی رکن اسمبلی طارق فضل چوہدری کو فارم 45اور47جمع کرانے کا کہا گیا اور الیکشن پریذائیڈنگ آفیسر کوبھی طلب کیا بار بار طلب کرنے کے باوجود پریذائیڈنگ آفیسر عدالت حاضر نہیں ہوئے جس پر عدالت نے انہیں جرمایہ عائد کردیا رکن اسمبلی ومسلم لیگی رہنما طارق فضل چوہدری نے الیکشن ٹریبیونل پر عدم اعتماد کرتے ہوئے الیکشن کمیشن سے رجوع کیا ۔ جمعہ کے روز کیس کی سماعت ہوئی دونوں جانب سے دلائل دیئے گئے جس پر عدالت نے فیصلہ محفوظ کرلیا پیر کے روز الیکشن کمیشن نے مختصر فیصلہ سناتے ہوئے طارق فضل چوہدری کی درخواست کو قبول کرلیا اور ٹریبیونل تبدیل کردیا گیاہے ۔
