نیویارک (نمائندہ خصوصی)بھارتی کرکٹ ٹیم کے کپتان روہت شرما کا کہنا ہے ہمارے خیال میں ہم نے رنز کم بنائے تھے تاہم بولرز نے عمدہ بولنگ کی، جسپریت بھمراہ نے غیر معمولی کارکردگی دکھائی۔میچ کے بعد گفتگو کرتے ہوئے بھارتی کپتان نے کہا کہ ابتدائی 10 اوورز میں بھارتی پوزیشن اچھی تھی، جبکہ آخری دس اوورز میں ہمارے بیٹرز اچھا نہ کھیل سکے۔
بھارتی کپتان کے مطابق اس پچ پر 140 رنز ہمارے خیال میں قابل دفاع اسکور تھا، ہمارے بولرز نے شاندار بولنگ کرکے فتح دلوائی۔انہوں نے کہا کہ ٹیم کے بقیہ کھلاڑی بھی شاباش کے مستحق ہیں، ابھی ٹورنامنٹ شروع ہوا ہے، ہمیں اس ایونٹ میں آگے تک جانا ہے۔
