ریاض (نمائندہ خصوصی) ریاض میں ہونے والی اے سی بی ایس ایشین 15 ریڈ مینز ٹیم سنوکر چیمپئن شپ 2024 کے فائنل میں پاکستان کو تھائی لینڈ کے خلاف 0-3 سے شکست کا سامنا کرنا پڑا۔ تھائی لینڈ نے 4-61، 53-75 اور 26-90 کے سکور کے ساتھ فائنل جیت لیا ۔ پہلے سنگل میچ میں پاکستانی ٹیم کے اسجد اقبال مناسب فائٹ نہ دے سکے اور ہار گئے۔
تاہم دوسرے سنگل مقابلے میں اویس منیر نے بہادری سے مقابلہ کیا لیکن انہوں نے کلر پاٹنگ کے دوران فال کر دیا جس کے بعد تھائی حریف نے فریم کلیئر کر کے میچ جیت لیا۔ڈبلز فریم میں بھی یہی صورتحال رہی اور پاکستان فائنل میں شکست کے بعد چاندی کا تمغہ حاصل کرنے میں کامیاب رہا۔ اس سے قبل ہانگ کانگ کے خلاف سیمی فائنل میں اقبال اور منیر پر مشتمل پاکستان کی ٹیم نے پیچھے سے آنے والے سیمی فائنل میں پہلے فریم میں شکست کے بعد ہانگ کانگ کے خلاف 3-1 سے کامیابی حاصل کی۔
