لندن(نمائندہ خصوصی)برطانیہ کے نئے وزیر خارجہ ڈیوڈ لیمی نے بطور وزیر اپنے ابتدائی بیان میں غزہ میں فوری جنگ بندی کی کوششوں کی حمایت کا اعلان کیا ہے۔غیرملکی خبررساں ادارے کے مطابق برطانوی لیبر پارٹی نے انتخابات میں تاریخی کامیابی حاصل کی ہے۔ اس کے ساتھ لیبر پارٹی کے کیر سٹارمر کو شاہ چارلس نے وزیر اعظم نامزد کیا ہے۔جنہوں نے لیبر پارٹی کے خارجہ امور کے نگران ڈیوڈ لیمی کو وزیر خارجہ کے طور پر ذمہ داری دی ہے۔
51 سالہ ڈیوڈ لیمی جنہوں نے ڈیوڈ کیمرون کی جگہ لی ہے۔ کا کہنا ہے کہ وہ ‘ ملک کے اعلی سفارت کار بننے کے بعد انتھک سفارت کاری کے ساتھ کام کریں گے۔’ ڈیوڈ لیمی 2021 سے لیبر پارٹی کے خارجہ امور کے لیے ترجمان کے طور پر کام کرتے رہے ہیں۔انہوں نے اپنے پہلے بیان میں ہی کہا کہہم میں سے ہر کوئی جانتا ہے کہ وہ طبقات کس قدر اذیت سے گذرے ہیں جنیں اسرائیل اور غزہ سے نکلنے کا منظر نامہ دیکھنا پڑا ہے۔
لیکن اب ہماری ذمہ داری ہے کہ ہم انتھک انداز میں سفارت کاری کریں اور غزہ میں فوری جنگ بندی کی حمایت کریں۔نیز یرغمالیوں کی فوری کے لیے کام کریں۔انہوں نے مزید کہا کہ صدر جو بائیڈن کی جنگ بندی کے لیے تمام تر کوششوں کی ہر ممکن حد تک حمایت کرتے ہیں۔
